KUNSTNARLEG VERKSEMD: Stadspesifikke kunstinstallasjonar.
Nina Bang Larsen arbeider hovudsakleg med stadspesifikke installasjonar sett saman av skulptur, måleri, video og foto. Materiala ho ofte tek i bruk er tekstil, brukte møblar og kvardagslege ting. I atelieret arbeider Bang Larsen i eit kaos av oppsamla materiale, tankar og idear. Ho let seg styra av slump og innfall, og det oppstår surrealistiske historier ho ikkje kjenner særleg kontroll over. Fram mot ei utstilling tek ho med seg eit utval, og held prosjektet ope slik at ho også er fri til å arbeida med det som dukkar opp under monteringa. Målet er å få til ein forførande komposisjon i utstillingsrommet som lokkar tilskodarar inn i den fargerike og absurde verda hennar.
UTDANNING
Vår 2016 Tekstilkultur 1, etterutdanningskurs, Vestnorsk Kulturakademi
2008-2010 MA, Kunst- og designhøgskolen i Bergen, Avd. Kunstakademiet
2005-2008 BA, Kunst- og designhøgskolen i Bergen, Avd. Kunstakademiet
Haust 2007 Utveksling, Kunsthochschule Berlin-Weissensee
2003-2005 Kunstskolen i Bergen
Vår 2003 Filosofisk Estetikk, Universitetet i Bergen
2002 Kunsthistorie, grunnfag, Universitetet i Bergen
